रेमिट्यान्सको २५ प्रतिशत हिस्सा ऋण तिर्नमै खर्च गर्छन् नेपाली


  • Laxmi Sunrise Bank Ad
  • Prabhu Bank Limited (PRVU)
रेमिट्यान्सको २५ प्रतिशत हिस्सा ऋण तिर्नमै खर्च गर्छन् नेपाली

नेपालमा आउने रेमिट्यान्सको एक चौथाइ अर्थात् २५ प्रतिशत हिस्सा ऋण तिर्नमै खर्च हुने देखिएको छ। नेपाल राष्ट्र बैंकले आइतबार प्रकाशन गरेको नेपालमा विप्रेषण आप्रवाहको स्थीतिको रिपोर्टमा यस्तो देखिएको हो।

राष्ट्र बैंकले आर्थिक वर्ष २०७१/७२ मा १६ जिल्लाका ३ सय २० घरमा पुगेर गरेको अध्ययनमा जम्मा रेमिट्यान्सको २८ प्रतिशत मात्रै बचत गर्ने देखिएको छ। त्यसपछि सबैभन्दा बढी खर्च ऋण तिर्नमा गरेको पाइएको छ।

नेपालीहरुले जम्मा रेमिट्यान्सको २३.९ प्रतिशत खाद्यान्न तथा लत्ताकपडा लगायतका दैनिक उपभोग्य बस्तुमा, ९.७ प्रतिशत शिक्षा तथा स्वास्थ्यमा, ३.५ प्रतिशत विवाह ब्रतबन्ध लगायतका सामाजिक कार्यमा र ३ प्रतिशत घरायसी सम्पत्ति किन्नमा खर्च गर्ने देखिएको छ।

यसरी विदेशबाट ल्याएको रेमिट्यान्सको जम्मा १.१ प्रतिशत मात्रै उत्पादनमूलक क्षेत्रमा खर्च गरेको भेटिएको छ।

तर, यसअघि आर्थिक वर्ष २०६७/६८ मा गरएको जीवनस्तर सर्वेक्षणमा भने रेमिट्यान्सको ७८.९ प्रतिशत रकम घरायसी उपभोगमा, ७.१ प्रतिशत ऋण तिर्न, ३.५ प्रतिशत शिक्षामा र ४.५ प्रतिशत भरायसी सम्पत्तिमा खर्च गर्ने देखिएको थियो। ०.६ प्रतिशत मात्र बचत गर्ने गरेको देखिएको थियो।

फेरि बढ्न थाल्यो रेमिट्यान्स
पछिल्लो समय रेमिट्यान्सको वृद्धिमा कमि आएको बताइरहँदा फेरि सुधार हुन लागेको देखिएको छ।

रिपोर्टमा आव २०७०/७१ मा २५ प्रतिशतले बढेको रेमिट्यान्स त्यसपछिका वर्षमा भने १३.६, ७.७ प्रतिशतले घट्दै आव २०७३/७४ ४.६ प्रतिशतले बढेको थियो।

तर, आव २०७४/७५ देखि भने फेरि रेमिट्यान्सको बढेको छ। उक्त आवमाा ८.६ प्रतिशतले रेमिट्यान्स वृद्धि भयो भने आव २०७५/७६ मा १६.५ प्रतिशतले रेमिट्यान्स बढेको देखिएको छ।

भारतबाट भन्दा कतारबाट आउने रेमिट्यान्स बढी

...

Read More
  • MBL