माघ ६, काठमाडौं । नेपाल बैंक लिमिटेडले पारित लाभांश वितरणको प्रक्रियामा रहेको भन्दै सेयरधनीहरुलाई डिम्याट खाता खोल्न र डिम्याट खाता रहेकाहरुलाई बैंक खाता अद्यावधि गर्न भनेको छ ।
बैंकले अद्यावधिक गर्न आग्रह गर्दै छिटै लाभांश वितरण प्रक्रिया थाल्ने बताएको छ ।
नेपाल बैंकको ६० औं वार्षिक साधारणसभाले चुक्तापूँजीको १० प्रतिशत नगद लाभांश (कर प्रयोजनसहित) र १५ प्रतिशत बोनस सेयर पारित गरिसकेको छ ।
बैंकले हालसम्म पनि शेयरधनीको ४ हजार ५४६ ओटा खाताहरु डिम्याट नभएको र १ हजार २८१ ओटा प्लेजमा रहेको भन्दै डिम्याट खाता खोल्न र बैंक खाता अद्यावधिक गर्न आग्रह गरेको छ ।
बैंको शेयर रजिष्ट्रारमा सिभिल क्यापिटल मार्केट्स लिमिटेड रहेको छ ।
